Confín dos verdes castros
De plácidos poboados xunto ao mar, a castros fortificados nos altos cumes. Desde asentamentos comerciais aos dedicados á salgadura de peixe. Do mundo castrexo ao mundo romano. O programa "En busca da pegada galaico-romana" permítenos descubrir 18 interesantes xacementos na provincia de Pontevedra. Cada cal dá acubillo á súa propia historia e todos teñen un trazo distintivo que convida a coñecelos.